"Реал"нинг асосий футболчиларидан бири бўлган Орельен Чуамени депрессия ҳолатига тушиб қолди.
Франциялик ярим ҳимоячи жамоа сардори Федерико Вальверде билан бўлган жанжални оғир қабул қилмоқда. Бу ҳақда журналист Хосе Луис Санчес ўз ижтимоий тармоқларида маълум қилди.
Чуамени жамоа кийиниш хонасида энг обрўли ва масъулиятли футболчилардан бири ҳисобланади. У Вальвердеда унга нисбатан нима учун бундай душманона муносабат борлигини тушуна олмаяпти. Франциялик футболчи ҳодисадан қаттиқ хафа бўлган ва руҳий босимни оғир кечирмоқда.
Аввалроқ машғулот пайтида Чуамени ва Вальверде ўртасида жанжал юз бергани, ҳатто мушттлашув бўлгани ҳақида хабарлар тарқалган эди.













