Мадриднинг «Реал» клуби ярим ҳимоячиси Федерико Вальверденинг обрўси Орельен Тчуамени билан содир бўлган воқеадан сўнг жиддий зарар кўриши мумкин.
Уругвайлик футболчи жамоадоши билан муштлашган: тахминларга кўра, вице-сардор француз футболчисини ўзига кучли зарба беришга мажбур қилган (провокация қилган), бунинг оқибатида эса ўзи оғир жароҳат олган. Вальверденинг ўзи берган баёнотида «жамоадоши» билан тўқнашув бўлганини тан олган бўлса-да, столга урилиб кетганини ёзган эди.
Cadena SER маълумотларига кўра, «Реал» футболчилари Вальверденинг ҳаракатларидан ҳафсалалари пир бўлган. Улар ярим ҳимоячи Тчуамени билан боғлиқ вазиятда ҳаддан ошиб кетган ва бу билан шеригининг агрессиясига сабаб бўлган деб ҳисоблашмоқда.
