«Реал» футболчиларидан иборат бир гуруҳ бош мураббий Альваро Арбелоага ҳақоратомуз лақаб ўйлаб топган. Бу ҳақда OK Diario нашри хабар берди.
Манбага кўра, футболчилар Арбелоани «конус» деб аташган. Эҳтимол, улар шу йўл билан мураббийнинг ташқи кўриниши ёки машғулот услубини масхара қилмоқчи бўлишган.
Арбелоа ўзининг янги лақаби ҳақида билгач, уни ўйлаб топган футболчиларни майдонга туширмай қўйган.
Қайд этилишича, ҳозирда «Реал» ичидаги муҳит бутунлай издан чиққан. Килиан Мбаппе мавсум ўртасида жароҳат баҳонасида таътилга чиққанидан кейин жамоадошларининг ғашига тегмоқда. Орельен Чуамени ва Федерико Вальверде машғулотда муштлашиб кетган. Винисиус Жуниор эса маошини оширишни талаб қилмоқда. Шу билан бирга, Арбелоанинг жамоа олдида етарлича обрўси йўқлиги ҳам таъкидланган.













