"Manchester Yunayted" bosh murabbiyi Erik ten Xag iste’fosi haqidagi gaplarga javob berdi. Keng tarqalgan xabarlarga ko‘ra, "qizil iblislar" rahbariyati mavsum so‘ngida murabbiylar o‘zgarishiga qaror qilishi mumkin.
“Men mish-mishlarga ahamiyat bermayman. Shu yerdaman, uch mavsumga shartnomam bor, bor e’tiborimni faqat jarayonga qaratganman. Bu gaplardan chalg‘iganim yo‘q. Menimcha, bu faqat jurnalistlar va muxlislar uchun qiziq. Mening vazifam o‘yinchilarning eng yaxshi o‘yin ko‘rsatishi uchun yechim topishdir", - deya ten Xagning so‘zlaridan iqtibos keltiradi UtdDistrict.
