Angliya terma jamoasi va “Manchester Yunayted”ning sobiq futbolchisi Gari Nevill “Liverpul”ning joriy APLda chempionlik imkoniyatlari haqida o‘z fikrlari bilan o‘rtoqlashdi.
"Agar ularda Yurgen Klopp bo‘lmaganida, jamoa hozir juda yaxshi ishlayapti, deb; aytgan bo‘lardim. Ammo uning klubda bor-yo‘g‘i bir necha oylari qoldi, futbolchilar endi bor kuchi bilan harakat qiladi. Ilgari “Liverpul” chempion bo‘ladi deb o‘ylamagandim. Ammo bunday vaziyatda buning iloji bor", - deya Nevill so‘zlarini keltirmoqda Manchester Evening News.
Angliya chempionatining 26-turi yakunlariga ko‘ra, “qizillar” 60 ochko jamg‘arib, birinchi o‘rinda bormoqda. Ikkinchi o‘rindagi “Manchester Siti” esa bir ochko ortda qolmoqda.
