Англия терма жамоаси ва “Манчестер Юнайтед”нинг собиқ футболчиси Гари Невилл “Ливерпуль”нинг жорий АПЛда чемпионлик имкониятлари ҳақида ўз фикрлари билан ўртоқлашди.
"Агар уларда Юрген Клопп бўлмаганида, жамоа ҳозир жуда яхши ишлаяпти, деб; айтган бўлардим. Аммо унинг клубда бор-йўғи бир неча ойлари қолди, футболчилар энди бор кучи билан ҳаракат қилади. Илгари “Ливерпуль” чемпион бўлади деб ўйламагандим. Аммо бундай вазиятда бунинг иложи бор", - дея Невилл сўзларини келтирмоқда Manchester Evening News.
Англия чемпионатининг 26-тури якунларига кўра, “қизиллар” 60 очко жамғариб, биринчи ўринда бормоқда. Иккинчи ўриндаги “Манчестер Сити” эса бир очко ортда қолмоқда.
