Bugun, 28 fevral kuni, Avstraliyada “Marvel” stadionida Olimpiada saralashining uchinchi bosqichidan o‘rin olgan “Avstraliya” — “O‘zbekiston” bahsi bo‘lib o‘tdi.
Uchrashuvning birinchi daqiqasida maydonimizda bo‘lgan sarosimada futbolchimiz Dilrabo Asadova o‘z darvozasini ishg‘ol qilib qo‘ydi. Aynan shu goldan so‘ng mezbonlar bor kuchlari bilan oldinga o‘tdi.
Raqiblarimiz vakilasi Mishell Heyman o‘z hisobiga 4 ta gol yozdirib qo‘ydi. Bundan tashqari, raqib a’zolari Torpey, Fauler hamda Fordning gollari birinchi bo‘limning yirik 8:0 hisobida yakunga yetishiga sabab bo‘ldi.
Uchrashuvning so‘nggi daqiqasidagi Raso va Sayerning gollari hisobni yirik 10:0 holatiga keltirdi.
Ta’kidlash joizki, o‘zbekistonlik futbolchi qizlar hisobga e’tibor bermay so‘nggi daqiqagacha bor kuchi bilan harakat qildi. Toshkentda o‘tkazilgan dastlabki o‘yinda ham "kengurular" 3:0 hisobida g‘alaba qozonishgandi.
Shu tariqa, Avstraliya ayollar terma jamoasi Parij-2024 olimpiadasi yo‘llanmasini qo‘lga kiritdi. Shuningdek, Yaponiya ham Olimpiadada qatnashadi.
