Angliya kubogining 1/8 finali o‘yinlari bo‘lib o‘tdi, "Vulverxempton" "Brayton"ni minimal hisobda mag‘lub etdi va Angliya futbolidagi ikkinchi nufuzli klub turniri - Angliya kubogining chorak finaliga yo‘l oldi.
"Bo‘rilar" ustozi Gari O'Nil o‘yin haqida gapirdi.
"Brayton" juda yaxshi klub. Ularning o‘ynashi, to‘pni harakatlantirishi, intizomi – bularning barchasini bilamiz.
Lekin ular tavakkal qilishadi, raqiblariga qarshi hujum qilish uchun imkoniyat yaratadilar. Biroq, ular to‘pga ko‘proq egalik qilishgan bo‘lsa-da, biz ham ular kabi imkoniyatlar yaratishga muvaffaq bo‘ldik. Mahalliy auditoriyamiz bizga ko‘p yordam berdi", — deya “bo‘rilar” ustozining so‘zlarini keltiradi BBC Sport.
