«PSJ» bosh murabbiyi Luis Enrike Fransiya chempionati doirasidagi «Monako»ga qarshi o‘yin oldidan fikr bildirdi.
“Bizning motivasiyamiz? O‘ylaymanki, biz doimo Liga 1 yetakchisi sifatidagi mavqeimiz nimani anglatishini ifodalashga harakat qilamiz.
"Monako" - chempionatning eng yaxshi jamoalaridan biri, chempionlik uchun kurashdagi raqibimiz. Bizni qanday qiyinchiliklar kutayotganini bilamiz.
Oldinda bizni raqobatbardosh jamoaga qarshi ajoyib o‘yin kutib turibdi. Biz juda yaxshi tayyorgarlik ko‘rishimiz kerak", - dedi Enrike matbuot anjumanida jurnalistlarga.
Eslatib o‘tamiz, "Monako" hamda "PSJ" jamoalari o‘rtasidagi bahs bugun tunda bo‘lib o‘tadi.
