Ispaniya chempionati doirasida "Valensiya"ga qarshi o‘yin oldidan "Real"ning ikki futbolchisi umumiy guruhga qaytdi.
El Chiringuito va jurnalist Arancha Rodrigesning xabar berishicha, yarim himoyachi Jud Bellingem va markaziy hujumchi Xoselu jamoadoshlari bilan mashg‘ulot o‘tkazishgan. Eslatib o‘tamiz, ikkala futbolchi ham jarohatlari sababli "qirollik" klubining so‘nggi o‘yinlarini o‘tkazib yuborgan edi.
“Valensiya” – “Real” uchrashuvi 2 mart, shanba kuni “Mestalya” stadionida bo‘lib o‘tadi. Ushbu o‘yin oldidan mezbonlar La Liga turnir jadvalida sakkizinchi o‘rinni egallab turgan bo‘lsa, mehmonlar birinchi o‘rinda bormoqda.
