Испания чемпионати доирасида "Валенсия"га қарши ўйин олдидан "Реал"нинг икки футболчиси умумий гуруҳга қайтди.
El Chiringuito ва журналист Аранча Родригеснинг хабар беришича, ярим ҳимоячи Жуд Беллингем ва марказий ҳужумчи Хоселу жамоадошлари билан машғулот ўтказишган. Эслатиб ўтамиз, иккала футболчи ҳам жароҳатлари сабабли "қироллик" клубининг сўнгги ўйинларини ўтказиб юборган эди.
“Валенсия” – “Реал” учрашуви 2 март, шанба куни “Месталья” стадионида бўлиб ўтади. Ушбу ўйин олдидан мезбонлар Ла Лига турнир жадвалида саккизинчи ўринни эгаллаб турган бўлса, меҳмонлар биринчи ўринда бормоқда.
