"Feyenoord" kelasi yozda hujumchi Santyago Ximenesni o‘z safida saqlab qolish qiyin bo‘ladi.

"Atletiko Madrid" avvalroq xabar qilinganidek, meksikalik futbolchini diqqat bilan kuzatib bormoqda. Jurnalist Ekrem Konurning yozishicha, Angliya Premyer-ligasining to‘rtta grandi – “Chelsi”, “Manchester Yunayted”, “Liverpul” va “Arsenal” 22 yoshli to‘purar uchun kurashda "matraschilar" bilan raqobatlashishga tayyor.

Santyago Ximenesning transfer qiymati Transfermarkt ekspertlari tomonidan 50 million yevroga baholanmoqda. Joriy mavsumda forvard “Feyenoord” safida barcha turnirlar doirasida 32 ta o‘yinda maydonga tushib, 22 ta gol va 5 ta golli uzatmaga mualliflik qilgan.