"Фейеноорд" келаси ёзда ҳужумчи Сантьяго Хименесни ўз сафида сақлаб қолиш қийин бўлади.
"Атлетико Мадрид" аввалроқ хабар қилинганидек, мексикалик футболчини диққат билан кузатиб бормоқда. Журналист Экрем Конурнинг ёзишича, Англия Премьер-лигасининг тўртта гранди – “Челси”, “Манчестер Юнайтед”, “Ливерпуль” ва “Арсенал” 22 ёшли тўпурар учун курашда "матрасчилар" билан рақобатлашишга тайёр.
Сантьяго Хименеснинг трансфер қиймати Transfermarkt экспертлари томонидан 50 миллион еврога баҳоланмоқда. Жорий мавсумда форвард “Фейеноорд” сафида барча турнирлар доирасида 32 та ўйинда майдонга тушиб, 22 та гол ва 5 та голли узатмага муаллифлик қилган.
