Jon Obi Mikel Roman Abramovich Maurisio Pochettinoni iste’foga chiqarib yuborgan bo‘lardi degan fikrda.

"Tanqidlarning ba’zilari haddan tashqari ko‘p edi, lekin biz "Chelsi"da ham xuddi shunday holatni boshdan kechirganmiz, g‘alaba qozonmadik, tanqid qilishdi va bosh murabbiylar ishini yo‘qotishdi.

Bu "Chelsi". G‘alaba qozonish kerak. O‘yinlar va sovrinlarni yutish kerak. Ha, ularga vaqt berildi, lekin kuch yig‘ish, birlashish va ancha yaxshi o‘ynashni boshlash uchun yetarli vaqt o‘tdi.

Men futbolchilar va murabbiyni himoya qilaman. Ularga vaqt berish kerak, lekin qancha vaqt? Bu "Chelsi". Agar bu Abramovich davri bo‘lganida, Pochettino ishini yo‘qotgan bo‘lardi, ammo umid qilamanki, yangi xo‘jayinlar unga vaqt berishadi. Keling, mavsum oxirida jamoaning qayerda bo‘lishini ko‘ramiz.

Hozir jamoa mavsumni qaysi o‘rinda yakunlashini tushunish uchun bir qator g‘alabalarga muhtoj. Qaror klub xo‘jayinlariga bog‘liq", - dedi "Chelsi"ning sobiq futbolchisi.