Rio Ferdinand Manchester jamoalarining XXI asrdagi eng yaxshi futbolchilarini nomladi.

Sobiq himoyachi XXI asrda o‘ynagan futbolchilarni tanlab, "Manchester Yunayted" va "Manchester Siti"ning umumiy tarkibini tuzdi.

Ferdinand darvozani Edvin van der Sarga berdi. "Menimcha, u ajoyib futbolchi. David De Xea ko‘proq ajoyib daqiqalarni o‘tkazdi, ammo van der Sar tinchlantiruvchi omil bo‘ldi va muvozanatni keltirdi. U o‘sha avlodning birinchi darvozabonlaridan biri bo‘lib, oyoqlari bilan ham ajoyib edi. Shuning uchun men van der Sarni tanlayman" - dedi Ferdinand.

Sobiq futbolchi himoya chizig‘iga Patris Evra, Nemanya Vidich, o‘zi va Kayl Uokerni kiritdi va Uokerni Premyer-liga tarixidagi eng yaxshi o‘ng qanot himoyachisi deb atadi.

Ferdinand yarim himoyada Kevin De Bryuyne va Pol Skoulzni, shou boshlovchisi Stiven Xauson esa Yaya Tureni qo‘shdi.

Krishtianu Ronaldu, Ueyn Runi va Serxio Aguero hujum pozisiyalarni egallashdi. Ferdinand argentinalik futbolchini u bilan o‘ynagan eng qiyin hujumchi deb atagan.

APLning 27-turida “Manchester Siti” o‘z maydonida “Manchester Yunayted”ni qabul qiladi. O‘yin 3 mart kuni bo‘lib o‘tadi va Toshkent vaqti bilan soat 20:30da boshlanadi.