Рио Фердинанд Манчестер жамоаларининг XXI асрдаги энг яхши футболчиларини номлади.

Собиқ ҳимоячи XXI асрда ўйнаган футболчиларни танлаб, "Манчестер Юнайтед" ва "Манчестер Сити"нинг умумий таркибини тузди.

Фердинанд дарвозани Эдвин ван дер Сарга берди. "Менимча, у ажойиб футболчи. Давид Де Хеа кўпроқ ажойиб дақиқаларни ўтказди, аммо ван дер Сар тинчлантирувчи омил бўлди ва мувозанатни келтирди. У ўша авлоднинг биринчи дарвозабонларидан бири бўлиб, оёқлари билан ҳам ажойиб эди. Шунинг учун мен ван дер Сарни танлайман" - деди Фердинанд.

Собиқ футболчи ҳимоя чизиғига Патрис Эвра, Неманья Видич, ўзи ва Кайл Уокерни киритди ва Уокерни Премьер-лига тарихидаги энг яхши ўнг қанот ҳимоячиси деб атади.

Фердинанд ярим ҳимояда Кевин Де Брюйне ва Пол Скоулзни, шоу бошловчиси Стивен Хаусон эса Яя Турени қўшди.

Криштиану Роналду, Уэйн Руни ва Серхио Агуэро ҳужум позицияларни эгаллашди. Фердинанд аргентиналик футболчини у билан ўйнаган энг қийин ҳужумчи деб атаган.

АПЛнинг 27-турида “Манчестер Сити” ўз майдонида “Манчестер Юнайтед”ни қабул қилади. Ўйин 3 март куни бўлиб ўтади ва Тошкент вақти билан соат 20:30да бошланади.