Nodirbek Abdusattorov «Prague Chess Festival» turnirining 5-turida polshalik Bartel Mateush ustidan g‘alaba qozondi. Bu g‘alaba hamyurtimizga FIDE reytingida 3,6 ball keltirdi.

Natajada Nodirbekning reyting ochkosi 2761,1 ballga yetdi va u dunyo shaxmatchilari onlayn reytingida 5-o‘ringa ko‘tarilib oldi.

U Alirizo Feruzja (Fransiya), Yan Nepomnyashchiy (Rossiya), Uesli So (AQSH), Anish Giri (Niderlandiya) kabi super grossmeysterlarni quvib o‘tdi. Amaldagi shaxmat toji egasi Ding Lijendan atigi 0,9 ochko ortda qolmoqda.