Yanvar oyida Daniele de Rossi Joze Mourinyo iste’foga chiqarilgach, "Roma" bosh murabbiyi lavozimini egallagan edi. O‘shandan beri jamoa to‘qqizta o‘yin o‘tkazdi va ularda yettita g‘alaba qfozondi, bir marta durang o‘ynadi va bir marta mag‘lubiyatga uchradi.
"Bo‘rilar" A Seriyada o‘z o‘rnini yaxshilashga muvaffaq bo‘lishdi - endi ular Chempionlar Ligasi zonasidan atigi to‘rt ochko ortda qolmoqda.
Calciomercato nashri xabariga ko‘ra, "Roma" xo‘jayinlari De Rossining ishi, jumladan, uning jamoa bilan munosabatlaridan qoyil qolishgan. Yosh murabbiyga maoshi sezilarli darajada oshirilgan ikki yillik shartnoma taklif qilinishi mumkin. Biroq, muzokaralar hali boshlanmagan.
"Roma"ning navbatdagi o‘yini 7 mart, payshanba kuni Yevropa ligasi doirasida "Brayton"ga qarshi bo‘ladi.
