Angliyada “Manchester Yunayted”ning eng yaxshi 10 nafar murabbiyi klub tarixidagi barcha o‘yinlardagi g‘alabalar foiziga ko‘ra aniqlandi. Shu tariqa, “qizil iblislar”ning amaldagi boshqaruvchisi Erik ten Xag birinchi o‘rinni egalladi.
Niderlandiyalik mutaxassis 100 ta o‘yinning 60 foizida g‘alaba qozongan, deb yozadi The Sun. Keyingi o‘rinda 59,7 foiz ovoz bilan jamoani 1500 o‘yin davomida boshqargan Ser Aleks Fergyuson. Kuchli uchlikni portugaliyalik murabbiy Joze Mourino yakunlab turibdi. U 144 ta o‘yinda 58,3% g‘alaba qozongan.
Qo‘shimcha qilib o‘tamiz, Angliya chempionatida 27 turdan keyin mankunianliklar oltinchi o‘rinda bormoqda. Ten Xag jamoasi 44 ochko jamg‘ardi.
