"Manchester Siti" bosh murabbiyi Pep Gvardiola "shaharliklar" bilan qo‘lga kiritilgan g‘alabalar "Barselona"dagiga qaraganda kattaroq yutuqmi, degan savolga javob berdi.
"Yo‘q, men bunday demagan bo‘lardim. Aks holda "Barselona"da erishgan sovrinlarimizga putur yetkazgan bo‘laman.
"Bu kubok avvalgilaridan yaxshiroq, demoqchi emasman. Har bir davrning o‘ziga yarasha yoqimli tomonlari bor.
Men "Barselona"da ham, "Bavariya"da ham ishlaganman - har bir unvon o‘zgacha qadrli. Bu o‘z-o‘zidan qo‘lga kiritiladigan narsalar emas.
Har bir qadamingiz qiyin bo‘ladi", dedi Gvardiola seshanba kungi matbuot anjumanida.
