Avvalroq Kiyevning "Dinamo" klubini o‘ng qanot himoyachisi Aleksandr Timchik "Jirona" qiziqish doirasiga tushib qolgani haqida xabar bergan "Futbol 24" ispan klubining ukrainalik futbolchiga qiziqishi haqida aniqroq ma’lumotlarni oshkor qildi.

Qayd etilishicha, "Jirona" Timchikni himoya chizig‘idagi transfer ustuvorligi deb biladi. Bu bo‘g‘inni mustahkamlash Kike Karsel boshchiligidagi klub sport rahbariyatining asosiy vazifasi hisoblanadi. Himoyani kuchaytirish uchun kataloniyaliklar, ehtimol, yevrokuboklarga yo‘llanma olishdan oldin katta miqdorda sarmoya kiritmoqchi.

"Futbol 24" telekanalining Ispaniyadagi "yaxshi ma’lumotli" manbasiga ko‘ra, "Jirona" jamoasini tajriba bilan ta’minlash uchun Timchik bilan shartnoma imzolamoqchi.

Klubning asosiy o‘ng qanot himoyachisi Yan Kouto, ammo uning kelajagi bilan bog‘liq vaziyat hali ham noaniq, chunki uning huquqlari "Manchester Siti"ga tegishli, agar "Jirona" Chempionlar Ligasiga yo‘l olsa, UYEFA qoidalari bo‘yicha ispanlar braziliyalik futbolchining ijara muddatini uzaytira olmaydi.

Timchik "Dinamo" bitiruvchisi, u ikki marta "Stal" va "Zarya" klublariga ijaraga berilgan. Qanot himoyachisi kiyevliklar safida bungacha 67 ta o‘yin o‘tkazib, 4 ta gol va 4 ta golli uzatmani amalga oshirgan. U terma jamoa safida 15 ta o‘yinda maydonga tushgan.