Futbol bo‘yicha Angliya Premyer Ligasining 27-turida “Manchester Siti” 4 mart, yakshanba kuni “Manchester Yunayted” ustidan 3:1 hisobida g‘alaba qozondi.
“Manchester derbisi vaqtida ofiserlar fojia haqida baqirganlikda gumon qilib, bir erkakni hibsga oldi”, — deyiladi Manchester polisiyasi press-relizida.
Nomaqbul xatti-harakatlarda gumon qilingan shaxs bu haqda boshqa muxlislar xabar berganidan keyin hibsga olingan.
Ijtimoiy tarmoqda tarqalgan videoda “shaharliklar” muxlisi tribunada samolyot harakatlariga taqlid qilib turli ishoralar bilan o‘sha mudhish hodisani yodga solishga harakat qilgan.
Eslatib o‘tamiz, Myunxendagi samolyot halokati 1958 yil 6 fevralda sodir bo‘lgan. Samolyot bortida “qizil iblislar” futbolchilari, shuningdek, murabbiylar, muxlislar va jurnalistlar bo‘lgan. Bortda bo‘lgan 44 kishidan 23 nafari halok bo‘lgan, yana 19 nafari yaralangan.
