Himoyachi Jordi Alba seshanba kuni "Inter Mayami" mashg‘ulotlarini o‘tkazib yubordi. Miami Herald nashri xabariga ko‘ra, 34 yoshli futbolchi betobligi tufayli mashg‘ulot o‘tkaza olmagan. Alba jamoaning keyingi o‘yinida maydonga tusha oladimi yoki yo‘qmi, hozircha ma’lum emas.
"Inter Mayami" navbatdagi o‘yinini payshanbadan jumaga o‘tar kechasi KONKAKAF Chempionlar kubogi doirasida "Neshvill"ga qarshi o‘tkazadi.