«Real» himoyachisi Eder Militao jarohatdan to‘liq tiklanib, safiga qaytdi.

Madrid klubi shifokorlari futbolchining holatini baholab, u Ispaniya chempionati doirasida 4 aprel kuni bo‘lib o‘tadigan «Malyorka»ga qarshi o‘yinda ishtirok etishi mumkin degan xulosaga kelishdi. Shundan so‘ng, 7 apreldan 8 aprelga o‘tar kechasi «Real» Chempionlar ligasi chorak finalidagi ilk uchrashuvni «Bavariya»ga qarshi o‘tkazadi.

Joriy mavsumda Eder Militao «Real» safida barcha musobaqalarda 16 ta o‘yinda maydonga tushib, 1 ta gol urdi va 1 ta samarali uzatmani amalga oshirdi. Braziliyalik futbolchi dekabr oyidan buyon tizza osti payi jarohati sabab maydonga tushmayotgan edi.