“Manchester Siti” YECHL 1/8 finali javob uchrashuvida “Kopengagen”ni mag‘lub etdi. “Etihad” stadionida kechgan uchrashuv 3:1 (umumiy 6:2) hisobida yakunlandi.

Shu tariqa, “shaharliklar” Chempionlar ligasi tarixida qatorasiga 10 uchrashuvda g‘alaba qozongan uchinchi jamoa bo‘ldi.

"Siti"dan oldin buni faqat "Real Madrid" (2015 yil fevraliga qadar 10 ta g‘alaba) va "Bavariya" (2020 yil noyabriga qadar 15 o‘yin va 2013 yil noyabriga qadar 10 o‘yin) uddalagan.

Guruh bosqichida “Manchester Siti” barcha oltita uchrashuvda g‘alaba qozondi (18 ochko) va birinchi o‘rinni egalladi.

"Manchester Siti" - Chempionlar ligasining amaldagi g‘olibi. Finalda Xosep Gvardiola shogirdlari Milanning “Inter” jamoasini 1:0 hisobida mag‘lub etishgan. G‘alaba golini ispaniyalik yarim himoyachi Rodri kiritdi.