“Манчестер Сити” ЕЧЛ 1/8 финали жавоб учрашувида “Копенгаген”ни мағлуб этди. “Этиҳад” стадионида кечган учрашув 3:1 (умумий 6:2) ҳисобида якунланди.

Шу тариқа, “шаҳарликлар” Чемпионлар лигаси тарихида қаторасига 10 учрашувда ғалаба қозонган учинчи жамоа бўлди.

"Сити"дан олдин буни фақат "Реал Мадрид" (2015 йил февралига қадар 10 та ғалаба) ва "Бавария" (2020 йил ноябрига қадар 15 ўйин ва 2013 йил ноябрига қадар 10 ўйин) уддалаган.

Гуруҳ босқичида “Манчестер Сити” барча олтита учрашувда ғалаба қозонди (18 очко) ва биринчи ўринни эгаллади.

"Манчестер Сити" - Чемпионлар лигасининг амалдаги ғолиби. Финалда Хосеп Гвардиола шогирдлари Миланнинг “Интер” жамоасини 1:0 ҳисобида мағлуб этишган. Ғалаба голини испаниялик ярим ҳимоячи Родри киритди.