"Slaviya" murabbiyi Jindrij Trpishovski jamoasi Yevropa ligasining 1/8 finali javob o‘yinida "Milan"ni mag‘lub eta olishiga ishonmoqda.
Dastlabki o‘yinda “Slaviya” Italiya klubiga 2:4 hisobida imkoniyatni boy bergan bo‘lsa-da, jangovar ruhi bilan hayratda qoldirdi.
"O‘ylaymanki, ikkinchi o‘yinda biz biroz ko‘proq kuchimizni bera olamiz. Bir kishi kam bo‘lib qolmagunimizcha yaxshi o‘yin o‘tkazgandik.
Balki raqiblardan ham yaxshiroq o‘ynagandirmiz. Albatta, qizil kartochkadan keyin o‘yin o‘zgardi. Ammo shunga qaramay biz ikkita gol urdik.
Ishonchim komilki, javob o‘yinida g‘alaba qozonamiz", - deya chex klubi ustozining so‘zlarini keltiradi pianetamilan.it.
