Londonning "Chelsi" klubi so‘nggi moliyaviy natijalarga rossiyalik biznesmen va klubning sobiq xo‘jayini Roman Abramovichga nisbatan qo‘yilgan sanksiyalar ta’sir qilganini aytdi. Bu haqda jurnalist Ben Jeykobs o‘zining ijtimoiy tarmog‘ida xabar berdi.
Manbaga ko‘ra, "Chelsi" UEFA va Premyer-liganing moliyaviy qoidalariga amal qilishi kerak.
Abramovich o‘zi 19 yil davomida egalik qilgan “Chelsi”ni 2022 yilning bahorida sotgan edi. 2021/2022 yilgi mavsumning moliyaviy hisobotiga ko‘ra, London klubining umumiy yo‘qotishi 121,3 million funtni tashkil qilgan.
O‘shanda klub xabar berganidek, yo‘qotishlar "ko‘klar"ning sobiq egasi Abramovich bilan ham bog‘liq edi.
