"Tottenxem" darvozaboni Gilyermo Vikario Anje Postekoglu boshchiligidagi jamoaning o‘yinidan mamnunligi bilan o‘rtoqlashdi.
Italiyalik futbolchi xuddi avstraliyalik murabbiy kabi o‘tgan yozda "shporlar" safiga qo‘shilgandi. Premyer-liganing 27-turidan so‘ng, "Tottenxem" juda ajoyib o‘yin ko‘rsatib, turnir jadvalida beshinchi o‘rinda bormoqda.
"Biz o‘z maqsadimizdan uzoqlashmasligimiz kerak va buning ustida har kuni ishlaymiz. Biz yuqori himoya chizig‘i bilan o‘ynaymiz. Shuning uchun so‘nggi himoyachi bo‘lib o‘ynashga tayyor bo‘lishim kerak.
O‘ylaymanki, bu o‘yin uslubi futbolda yangi davrni belgilashi, uni o‘zgartirishi mumkin", - dedi Vikario ESPN telekanaliga bergan intervyusida.
