"Тоттенхэм" дарвозабони Гильермо Викарио Анже Постекоглу бошчилигидаги жамоанинг ўйинидан мамнунлиги билан ўртоқлашди.
Италиялик футболчи худди австралиялик мураббий каби ўтган ёзда "шпорлар" сафига қўшилганди. Премьер-лиганинг 27-туридан сўнг, "Тоттенхэм" жуда ажойиб ўйин кўрсатиб, турнир жадвалида бешинчи ўринда бормоқда.
"Биз ўз мақсадимиздан узоқлашмаслигимиз керак ва бунинг устида ҳар куни ишлаймиз. Биз юқори ҳимоя чизиғи билан ўйнаймиз. Шунинг учун сўнгги ҳимоячи бўлиб ўйнашга тайёр бўлишим керак.
Ўйлайманки, бу ўйин услуби футболда янги даврни белгилаши, уни ўзгартириши мумкин", - деди Викарио ESPN телеканалига берган интервюсида.
