Superliga 2-turidan o‘rin olgan "Paxtakor" – "Nasaf" (0:0) uchrashuvidan so‘ng mezbonlar bosh murabbiyi Maksim Shaskix o‘z fikrlarini bildirib o‘tdi.
"Ikki jamoa ishtirokida sifatli o‘yin ko‘rdik. Raqib ham kuchli va sifatli jamoa. Bugun gol urish uchun yetarli vaziyatlar yarata oldik. O‘ylashimcha, g‘alabaga haqli o‘yin ko‘rsatdik.
Cheran so‘nggi daqiqada raqib jarima maydoniga kirib borganda aniq gol uramiz deb o‘ylagan edim. Hatto, maydonga yugurib nishonlashni boshlab yuborgandim. Uning tajribasiga ishongandik. Buni o‘yindan keyin o‘ziga ham aytdim.
Afsuski, hozirda zaxiramiz kutganimizdek emas. Hozirgi tarkibimizga ishonch bildirishda davom etamiz.
Ozgina sabr va vaqt kerak. Tarkibimiz yosh bo‘lishiga qaramay, kelajakka umid bor. Barchasi oldinda. Jarohat olib maydonga tusha olmayotgan futbolchilar o‘rniga tushayotgan yoshlar uchun katta tajriba. Rotasiya qilishga majbur bo‘layapmiz. Yoshlar o‘zlarini ko‘rsatishi kerak", - dedi Shaskix.
