Madridning “Real” klubi hujumkor yarim himoyachi Jud Bellingemning ikki o‘yinga diskvalifikasiyasiga qarshi yangi apellyasiya shikoyati berishga qaror qildi, chunki "Los Blankos"ning avvalgi noroziligi Tartib-intizom qo‘mitasi tomonidan rad etilgan. Bu haqda Mundo Deportivo xabar bermoqda.
Manbaga ko‘ra, Madrid klubi endilikda Sport ma’muriy tribunaliga (TAD) murojaat qilmoqchi. "Real Madrid" bu apellyasiyaga katta umid bog‘laydi va uni kerakli vaqtda topshirishga qaror qilganiga ishonadi.
Hozirda diskvalifikasiya tufayli Bellingem La Liga doirasidagi "Selta" va "Osasuna" bilan o‘yinlarda ishtirok eta olmaydi.
