Ispaniyada La Liganing yigirma sakkizinchi tur o‘yinlari boshlandi. “Barselona” o‘z maydonida “Malyorka”ni mag‘lub etdi va uchrashuvdagi yagona gol Lamin Yamal tomonidan kiritildi.
O‘yindan so‘ng Kataloniya superklubining yosh iqtidori muvaffaqiyati haqida fikr bildirdi.
"G‘alabadan xursandman, o‘zim uchun ham, jamoam uchun ham xursandman. Bu o‘yinda ko‘p ishlashimiz kerak edi. Gol vazifamizni osonlashtirdi, endi biz "Napoli" bilan Chempionlar ligasi o‘yini haqida o‘ylashimiz kerak", - dedi Yamal o‘yindan keyingi intervyusida.
Chempionatning navbatdagi turida “Barselona” Madridning “Atletiko” jamoasiga qarshi bahs olib boradi.
