Испанияда Ла Лиганинг йигирма саккизинчи тур ўйинлари бошланди. “Барселона” ўз майдонида “Малёрка”ни мағлуб этди ва учрашувдаги ягона гол Ламин Ямаль томонидан киритилди.
Ўйиндан сўнг Каталония суперклубининг ёш иқтидори муваффақияти ҳақида фикр билдирди.
"Ғалабадан хурсандман, ўзим учун ҳам, жамоам учун ҳам хурсандман. Бу ўйинда кўп ишлашимиз керак эди. Гол вазифамизни осонлаштирди, энди биз "Наполи" билан Чемпионлар лигаси ўйини ҳақида ўйлашимиз керак", - деди Ямаль ўйиндан кейинги интервьюсида.
Чемпионатнинг навбатдаги турида “Барселона” Мадриднинг “Атлетико” жамоасига қарши баҳс олиб боради.