Italiyadagi lisenzion turnir doirasida kecha 4 nafar bokschimiz keyingi bosqich uchun ringga ko‘tarildi.

Vakillarimiz ishtirokidagi ilk bahsni -66 kg vaznda Navbahor Hamidova gresiyalik Paraskevi Mavrommatiga qarshi o‘tkazdi. Yakunda esa bokschimiz hakamlar qaroriga ko‘ra 5:0 hisobida taslim etdi.

 -50 kg vaznda ilk bahsini singapurlik Danisha Matialaganga qarshi o‘tkazgan vakilamiz Sabina Boboqulova raqibini 5:0 hisobida taslim etdi.

-80 kg vaznda Parij-2024 Olimpiyada o‘yinlari yo‘llanmasi uchun kurashayotgan bokschimiz To‘rabek Habibullayev polshalik Rafal Perjinskini qiyinchiliksiz 5:0 hisobida mag‘lubiyatga uchratdi va Fransiya tomon yana bir qadam tashladi.

Kunning bokschilarimiz ishtirokidagi so‘ngi bahsida -57 kg vaznda Sitora Turdibekova chexiyalik Lyusi Sedlachkova bilan bahs olib bordi. Jang yakuniga ko‘ra, vakilamiz raqibasini mag‘lubiyatga uchratdi.

8 mart kuni jang qilgan o‘zbekistonlik bokschilar:

-66 kg. Navbahor Hamidova - Paraskevi Mavrommati (Gresiya) — 5:0

- 50 kg. Sabina Boboqulova - Danisha Matialagan (Singapur) — 5:0.

-80 kg. To‘rabek Habibullayev - Rafal Perjinski (Polsha) — 5:0.

-57 kg. Sitora Turdibekova - Lyusi Sedlachkova (Chexiya) — 5:0.