"PSJ" hujumchisi Kilian Mbappe jamoasining Chempionlar ligasidagi muvaffaqiyati haqida gapirdi. Luis Enrike shogirdlari “Real Sosyedad”ni umumiy 4:1 hisobida mag‘lub etib, chorak final yo‘llanmasini qo‘lga kiritdi.
"Chempionlar ligasining chorak finaliga chiqish oldinga qadam, ammo biz ko‘proq narsani xohlayotganimizni hamma biladi. Biz kamtar bo‘lib qolishimiz kerak, ammo ambisiyalarimiz bor. Maqsadimiz bu mavsumda ko‘plab sovrinlarni qo‘lga kiritish, biz ajoyib ishlarni qilishni xohlaymiz. Menimcha, jamoa to‘g‘ri yo‘nalishda ketmoqda. Ko‘ramiz, chorak finalda qanday raqibga duch kelamiz. Eng muhimi, diqqatni jamlash", - deya Mbappening so‘zlarini keltiradi Fransiya OAVlari.
