"ПСЖ" ҳужумчиси Килиан Мбаппе жамоасининг Чемпионлар лигасидаги муваффақияти ҳақида гапирди. Луис Энрике шогирдлари “Реал Сосьедад”ни умумий 4:1 ҳисобида мағлуб этиб, чорак финал йўлланмасини қўлга киритди.
"Чемпионлар лигасининг чорак финалига чиқиш олдинга қадам, аммо биз кўпроқ нарсани хоҳлаётганимизни ҳамма билади. Биз камтар бўлиб қолишимиз керак, аммо амбицияларимиз бор. Мақсадимиз бу мавсумда кўплаб совринларни қўлга киритиш, биз ажойиб ишларни қилишни хоҳлаймиз. Менимча, жамоа тўғри йўналишда кетмоқда. Кўрамиз, чорак финалда қандай рақибга дуч келамиз. Энг муҳими, диққатни жамлаш", - дея Мбаппенинг сўзларини келтиради Франция ОАВлари.
