Lamin Yamal "Malyorka"ga qarshi o‘yinda ajoyib individual gol urib "Barselona"ga g‘alaba keltirdi.
"Malyorka" bosh murabbiyi Xavyer Agirre hatto bu yigitni Lionel Messiga qiyoslagan.
Men Messini birinchi marta 21 yil oldin “Sevilya” yoki “Osasuna”ga qarshi o‘ynaganida ko‘rganman. Yordamchim menga: "Borib, unga qarang", dedi. U xuddi kalamush kabi tutib bo‘lmas edi. Lamin ham kalamushga o‘xshaydi!
U hali juda yosh, lekin shunday davom etsa, muxlislarga katta quvonch keltiradigan futbolchiga aylanadi... "Barsa"da ajoyib yoshlar bor. Har doim shunday bo‘lgan", - dedi Agirre.
Joriy mavsumda Yamal La Ligada 14 ta o‘yin o‘tkazib, 4 ta gol urdi va 6 ta golli uzatmani amalga oshirdi.