Fransiya terma jamoasi va Madridning “Real” klubi yarim himoyachisi Eduardo Kamavinga yozda Germaniyada bo‘lib o‘tadigan Yevropa chempionati haqida o‘z fikrini aytdi. Shuningdek, u Parijdagi Olimpiadada ishtirok etishi mumkinligi haqidagi fikrlari bilan o‘rtoqlashdi.
“Barcha fransuzlarning maqsadi Yevroni yutish, biz buni xohlaymiz! Olimpiya o‘yinlari? Bu ham maqsad, lekin bu haqda Yevropa chempionatidan keyin gaplashamiz. Agar Yevroda g‘olib chiqsak, sochlarimni ko‘k, oq va qizil rangga bo‘yab olaman" - deya Kamavinga so‘zlarini keltirmoqda Telefoot.
