"Chelsi" bosh murabbiyi Maurisio Pochettinoning fikricha, uning iste’fosi muammolarni hal qilmaydi. Matbuot argentinalik murabbiyning mavsum oxirida ketishi mumkinligi haqida qizg‘in muhokama qilmoqda, bu esa "ko‘klar"ning Premyer-ligadagi unchalik omadsiz o‘yinlari bilan bog‘liq. Jamoa hozirda turnir jadvalida 11-o‘rinda bormoqda.
"Hozirgi "Chelsi" butunlay boshqa klub, yangi loyiha. Agar bizni o‘tmishdagi "Chelsi" bilan solishtiradigan bo‘lsak, albatta muvaffaqiyatga erishish qiyin bo‘ladi. Muxlislar yangi murabbiyni mendan ortiq sevishmaydi. Bu yangi loyiha va odamlar buni tushunishlari kerak", - dedi Pochettino Standard Sport bilan suhbatda.
11 mart kuni londonliklar o‘z maydonida "Nyukasl"ga qarshi bahs olib boradi.
