"Yuventus" boshqaruvchisi Massimiliano Allegri "Atalanta" bilan 2:2 hisobidagi durangdan keyin tanqidchilarga javob qaytardi.
A Seriyaning so‘nggi yetti uchrashuvida turinliklar faqat bitta g‘alabaga erishgan, uch bor mag‘lubiyatga uchragan. Jamoa "Inter"dan 17 ochko ortda qoldi va "Milan"ga ham imkoniyatni boy berdi.
“Muxlislar bizni yana Chempionlar ligasida ko‘rishni xohlashlarini tan olishlari kerak. Siz jamoani va murabbiyni tanqid qilishingiz mumkin, ammo bizni fidoyilik uchun hech kim ayblay olmaydi. Biz har bir uchrashuvda g‘alaba qozonishga harakat qilamiz, lekin bu har doim ham mumkin emas. Futbolchilarimiz yetuklashib, chidamli bo‘lib bormoqda, bu juda muhim”, - dedi Allegri DAZN nashriga.
Keyingi turda “Yuventus” o‘z maydonida “Jenoa”ni qabul qiladi. Uchrashuv 17 mart kuni bo‘lib o‘tadi.
