"Ювентус" бошқарувчиси Массимилиано Аллегри "Аталанта" билан 2:2 ҳисобидаги дурангдан кейин танқидчиларга жавоб қайтарди.
А Сериянинг сўнгги етти учрашувида туринликлар фақат битта ғалабага эришган, уч бор мағлубиятга учраган. Жамоа "Интер"дан 17 очко ортда қолди ва "Милан"га ҳам имкониятни бой берди.
“Мухлислар бизни яна Чемпионлар лигасида кўришни хоҳлашларини тан олишлари керак. Сиз жамоани ва мураббийни танқид қилишингиз мумкин, аммо бизни фидойилик учун ҳеч ким айблай олмайди. Биз ҳар бир учрашувда ғалаба қозонишга ҳаракат қиламиз, лекин бу ҳар доим ҳам мумкин эмас. Футболчиларимиз етуклашиб, чидамли бўлиб бормоқда, бу жуда муҳим”, - деди Аллегри DAZN нашрига.
Кейинги турда “Ювентус” ўз майдонида “Женоа”ни қабул қилади. Учрашув 17 март куни бўлиб ўтади.
