Myunxenning “Bavariya” klubi hujumchisi Xarri Keyn Germaniya chempionligi uchun “Bayer”ni favorit deb bilishini yashirmadi. 9 tur qolganda "farmasevtlar" “Bavariya”dan 10 ochko oldinda.
“Bayer” o‘z tarixida hech qachon Bundesligada g‘olib bo‘lmagan.
"Men realist bo‘laman, "Bayer" Bundesligada g‘alaba qozonish uchun favorit. Menimcha, buni hamma tushunadi. Biz qila oladigan yagona narsa o‘yinlarimizda g‘alaba qozonish. Oldinda 9 ta o‘yin qoldi, ularning har birida g‘alaba qozonishga harakat qilishimiz kerak. Keyin ko‘ramiz "Bayer" buni qanday uddalay oladi. Ular ajoyib mavsumni o‘tkazmoqda, buning uchun ularga hurmat ko‘rsatish kerak", - dedi Keyn Bundesliga rasmiy saytiga bergan intervyusida.
