Kataloniyaning “Barselona” klubi hujumchisi Ferran Torres “Napoli”ga qarshi Yevropa Chempionlar Ligasi javob o‘yinida jamoasiga yordam bera olmaydi.
Jurnalist Ferran Martines bergan ma’lumotlarga ko‘ra, ispaniyalik futbolchi Chempionlar ligasining chorak finaliga chiqish uchun o‘yingacha o‘z vaqtida tiklanishga ulgurmaydi.
Avvalroq Torresning "Napoli"ga qarshi o‘yinda ishtirok etish imkoniyati yuqori ekanligi xabar qilingandi, biroq ayni damda hujumchi o‘zini yetarlicha yaxshi his qilmayapti, shu bois murabbiylar shtabi Ferranning sog‘lig‘ini xavf ostiga qo‘ymaslikka qaror qilgandi.
Ispaniya chempionatining ushbu mavsumida Torres 7 ta gol urdi va 2 ta golli uzatmani amalga oshirdi.
