"Arsenal" yarim himoyachisi Martin Edegor Chempionlar ligasi 1/8 finalida "Portu"ga qarshi bo‘lib o‘tadigan o‘yin haqida gapirdi.
"Arsenal" va "Portu" o‘rtasidagi javob uchrashuvi ertaga bo‘lib o‘tadi.
Birinchi o‘yinda Mikel Arteta shogirdlari 0:1 hisobida mag‘lub bo‘lishdi.
"O‘tgan safar "Portu"ga qarshi eng yaxshi o‘yinimizni o‘tkazmagandik. Biz xatolarimiz ustida ishladik va qanday o‘ynashni tushundik.
Hammamiz hayajondamiz, yaxshi o‘yin bo‘ladi. Biz bu jamoa bilan tarix yozmoqchimiz. Bu katta maqsad va bizning orzumiz Chempionlar ligasida imkon qadar uzoqqa borishdir", - deya Edegorning so‘zlarini keltiradi UEFA matbuot xizmati.
