"Арсенал" ярим ҳимоячиси Мартин Эдегор Чемпионлар лигаси 1/8 финалида "Порту"га қарши бўлиб ўтадиган ўйин ҳақида гапирди.
"Арсенал" ва "Порту" ўртасидаги жавоб учрашуви эртага бўлиб ўтади.
Биринчи ўйинда Микель Артета шогирдлари 0:1 ҳисобида мағлуб бўлишди.
"Ўтган сафар "Порту"га қарши энг яхши ўйинимизни ўтказмагандик. Биз хатоларимиз устида ишладик ва қандай ўйнашни тушундик.
Ҳаммамиз ҳаяжондамиз, яхши ўйин бўлади. Биз бу жамоа билан тарих ёзмоқчимиз. Бу катта мақсад ва бизнинг орзумиз Чемпионлар лигасида имкон қадар узоққа боришдир", - дея Эдегорнинг сўзларини келтиради УEФА матбуот хизмати.
