“An-Nasr” hujumchisi Krishtianu Ronaldu “Al-Ayn”ga qarshi Osiyo Chempionlar ligasi 1/4 final javob o‘yinida qo‘shimcha daqiqalarda penaltini golga aylantirdi.

Hujumchi 118-daqiqada gol urdi. Bu gol 39 yoshli portugaliyalikning klublar miqyosida 750-goli bo‘ldi. Uning jami gollari Portugaliya terma jamoasidagi gollari bilan birga 878 ta bo‘ldi.

Ronaldu 2023/24 yilgi mavsumda Osiyo chempionlar ligasida oltinchi, klublar miqyosida esa 35-golini urdi.

“An-Nasr” “Al-Ayn”ga yutqazdi – 4:4, 1:3 – penaltilar. Saudiya Arabistoni jamoasi Osiyo chempionlar ligasidan chiqib ketdi.