Eron bosh murabbiyi Amir Galenoi terma jamoa futbolchisi Ahmad Nurullohini tarkibga qaytarish uchun o‘z shartini aytib o‘tdi.
Hojimat Erkinovning "Al Vahda"dagi jamoadoshi hisoblanuvchi Nurullohi Gonkong terma jamoasiga qarshi o‘yin qaydnomasiga kiritilmagach, o‘yinni qolgan jamoadoshlari bilan tribunada o‘tirib kuzatishdan bosh tortgan edi.
Shundan so‘ng Galenoi futbolchini terma jamoadan chetlatgan va Osiyo kubogiga ham olib ketmagan edi.
Ma’lum bo‘lishicha, bosh murabbiy Nurullohiga jamoa a’zolari oldida barchadan uzr so‘rash talabini qo‘ygan.
