"Barselona" darvozaboni Mark-Andre ter Shtegen o‘ziga xos muvaffaqiyatga erisha oladi. Agar nemis bugun "Napoli" bilan Chempionlar ligasi javob o‘yinida o‘ynasa, darvozabon yevrokuboklardagi faoliyatidagi 100-uchrashuvini o‘tkazadi.
Mark-Andre o‘zining aksariyat o‘yinlarini Yevropa arenalarida Chempionlar ligasida o‘tkazgan. Yevropa ligasida darvozabon faoliyatining boshida Myunxengladbaxning "Borussiya"sida 7 ta o‘yin o‘tkazgan bo‘lsa, bundan oldingi ikki mavsumda "Barselona" tarkibida 8 ta o‘yinda maydonga tushgan.
Eslatib o‘tamiz, Chempionlar ligasining 1/8 finalidan o‘rin olgan “Barselona” – “Napoli” o‘rtasidagi ilk uchrashuv Italiyada bo‘lib o‘tgan va 1:1 hisobidagi durang bilan yakunlangan edi.
