"Bavariya" klubi UEFA qarori ustidan apellyasiya bermasligini, unga ko‘ra jamoa navbatdagi yevrokubok o‘yinini mehmonda o‘z muxlislarisiz o‘tkazishini ma’lum qildi. Myunxenliklar vaziyatni o‘rganib, UEFA jazosini qabul qilishdi.
“Biz bu jazoni qabul qilishimiz kerak. Pirotexnika vositalari nafaqat portladi, balki ataylab maydonga tashlandi va boshqalarni bevosita xavf ostiga qo‘ydi. Bu qoidani aniq buzish ediki, apellyasiya berishdan ma’no yo‘q", - dedi "Bavariya" bosh direktori Yan-Kristian Drizen.
Shu tariqa, “Bavariya” muxlislari jamoaning Chempionlar ligasi chorak finali doirasidagi safar uchrashuvida tribunada bo‘lmaydi.
